Вечерва од 20.45 часот се играат мечевите од претпоследното коло во италијанската Серија А, а една од дилемите и непознаниците е кој ќе го освои четвртото место кое води во Лигата на шампионите. Математички шанси за четвртата позиција имаат дури шест тима, а од тие шест тима само Јувентус има теоретска шанса уште вечерва да обезбеди место во ЛШ.
Сценариото кое е идеално за Старата дама е да го победат Удинезе, а притоа да загубат Рома, Лацио и Болоња. Ова е тешко остварливо, и пореална варијанта е во последното коло да се решава за титулата и за четвртото место.
