Фудбалерите на Јувентус забележаа тешка, но значајна победа од 1-2 на гостувањето кај Салернитана и го задржаа чекорот со лидерот Интер. „Старата дама“ вторпат во само четири дена прво прими гол од Салернитана, а дури потоа дојде до победите, најпрво во Купот на Италија во средата, а вечерва и во мечот од Серија А.
Домашните дојдоа во водство преку Џулио Маџоре во 39-тата минута, но истиот фудбалер во 53-тата минута заработи и втор жолт картон, што автоматски значеше исклучување.
На 1-1 израмни англискиот интернационалец Ајлинг во 65-тата минута.
Победата за Јувентус ја донесе Душан Влаховиќ во 91-вата минута со прекрасен погодок со глава.