Фудбалската репрезентација на Јужна Африка во последното коло од квалификациите за Светското првенство 2026 година ја совлада Руанда со убедливи 3-0 и обезбеди пласман на Мундијалот.
Зад себе ја остави Нигерија, која славеше над Бенин со 4-0, но сепак заврши со еден бод помалку од Јужна Африка и ќе мора да бара пласман преку баражот.
Таленте Мбата го донесе домашниот тим во водство уште во петтата минута, а во 26-тата Освин Аполис ја зголеми предноста и го постави резултатот на полувремето.
Потврдата на победата стигна во 72-та минута, кога Евиденс Макгопа се запиша во листата на стрелци.
Јужна Африка ги заврши квалификациите како првопласирана во групата Ц со 18 бодови, пред Нигерија и Бенин кои имаат по 17.
Ова ќе биде четврто учество на Јужна Африка на Светско првенство, а прво по турнирот во 2010 година, кога беше домаќин.
