Откако селекцијата на Узбекистан го потрвди пласманот на Светското првенство 2026 и стана првиот дебитант, азиските квалификации ќе дадат уште една репрезентација која никогаш претходно не играла на Мундијалите.
Се работи за Јордан, селекција која со 0-3 славеше на гостувањето кај Оман, но пласманот на Светското првенство го потврдија дури откако нивниот најголем конкурент, Ирак, загуби на домашен терен од Јужна Кореја со 0-2.
Со победата над Ирак, пласман на Светското првенство обезбеди и Јужна Кореја, која повеќе од две децении наназад стандардно е дел од Мундијалите.
More history!
Along with Uzbekistan today, Jordan 🇯🇴 qualifies for the #FIFAWorldCup for the first time ever! South Korea 🇰🇷 joins them. Congratulations! pic.twitter.com/w5YGZMRBg0
— The International Window (@windowintlpod) June 5, 2025
На Светското првенство во САД, Канада и Мексико за првпат ќе учествуваат 48 селекции, а освен домаќините, пласманот до сега го имаат обезбедено и Аргентина, Нов Зеланд, Јапонија, Иран, Узбекистан, Јужна Кореја и Јордан.
