Кадис е првиот тим кој обезбеди промоција во Ла Лига за следната сезона како првопласирана екипа во Втората шпанска лига. Тимот има 69 бода на две кола до крајот, пет повеќе од Уеска, што значи дека Кадис конечно ќе биде дел од елитата по 14 години пауза, поточно од сезоната 2005/06 која ја напуштија Ла Лига.
💛💙
¡VOLVEMOS @LaLiga!
¡Hola de nuevo #LaLigaSantander! 👋 pic.twitter.com/mK9RMrf0GZ
— Cádiz Club de Fútbol (@Cadiz_CF) July 12, 2020
Клубот сам ќе си се награди за успехот со ангажман на европскиот првак Алваро Негредо. Поранешниот голгетер на Севилја и Манчестер сити од 2018 година игра во Соединетите Арапски Емирати за тимот на Ал-Наср, а од септември и тој ќе му се врати на шпанскиот фудбал откако последно настапуваше за Валенсија до 2017 година.
Негредо беше дел од селекцијата на Шпанија која ја одбрани европската титула во 2012 година, а може да се пофали со титула во Премиер лигата од сезоната 2013/14 како член на Манчестер сити.
