Ол стар бекот на Бруклин нетс, Кајри Ирвинг, ја шокира управата на Мрежичките и побара да си замине до крајот на рокот за размени и лесно може да се случи да заврши со Далас маверикс кај Лука Дончиќ.
Ирвинг чиј договор истекува на крајот од сезоната, на управата на Бруклин нетс, прво и рекол дека нема намера да потпишува нов договор, а потоа и дека сака да биде разменет до 9. февруари, до кога трае рокот за размени во НБА лигата.
Новинарот на ЕСПН, Адријан Војнаровски, кој се смета за најдоброинформиран меѓу медиумските работници и кој ретко греши, на својот профил на Твитер, објави дека Далас маверикс сериозно е заинтересиран за размена со Бруклин со која Ирвинг би станал соиграч со Лука Дончиќ.
Reporting with @espn_macmahon: The Mavericks have had previous interest on Kyrie Irving and are expected to explore idea with Nets ahead of Thursday's trade deadline. Like most teams, the Mavericks have had had a reluctance to make significant offers of assets for Irving.
— Adrian Wojnarowski (@wojespn) February 3, 2023
Ирвинг во Бруклин нетс пристигна во 2019 година заедно со Кевин Дурент, и оттогаш постојано прави проблеми. За време на пандемијата на коронавирусот, одби да се вакцинира поради што пропушти голем дел од претходната сезона, а потоа издејствува да му се даде отказ на тренерот Стив Неш.
Минатото лето промовираше промовираше книга и филм кои поттикнуваат антисемитизам, односно нетрпеливост, омраза и предрасуди кон Евреите.
Ирвинг сезонава просечно постигнува по 27.1 поен, 5.3 скока и 5.1 асистенција по натпревар.
