Српскиот тенисер Новак Ѓоковиќ, изјаби дека се надева дека ќе има добар прием кај јавноста и навивачи во Австралија, откако на почетокот од годината беше депортиран од оваа земја.
„По сето тоа што се случуваше минатата година, се надевам дека на вистински начин ќе бидам дочекан и тоа ќе ми помогне да ја прикажам најдобрата игра“, им изјави Ѓоковиќ на новинарите во Дубаи каде Србинот беше дел од егзибициски турнир.
Новак на почетокот од годината беше депортиран од Австралија, откако тогашниот министер за имиграција му ја укина визата. Ѓоковиќ се жалеше на ваквата пресуда, но врховниот суд на потврди одлуката на австралиската влада поради што беше депортиран и доби тригодишна забрана за влез во земјата.
Но, владата се смени пред неколку месеци, и новиот премиер ја поништи забраната и му дозволи на Новак да настапи на Австралија опен каде досега има девет триумфи.
„Сакам да играм во Австралија“, истакна Ѓоковиќ.
Поради неговиот став да не се вакцинира против коронавирусот, Новак годинава не настапи на уште еден гренд слем турнир, УС опен.
