Милијарди честитки за Среќна нова 2021 година се испратија во изминативе 24 часа, а секако кога се работи за фудбалски план, најважни се честитки од двајцата најдобри фудбалери во изминативе две децении, Лионел Меси и Кристијано Роналдо.
Ѕвездите кои ги освоија сите најзначајни трофеи на клупски и индивидуален план, преку социјалните мрежи упатија пораки за среќна да биде новата година.
Кристијано Роналдо заедно со својата девојка Георгина и нивните деца во типична новогодишна атмосфера ја прославија новата година, а Португалецот порача: „Нема сомнеж дека 2020 година воопшто не беше лесна година. Никој не може да остане индеферентен на болката и страдањето што ги нанесе Коронавирусот низ целиот свет. Но, сега е време сите заедно да покажеме дека можеме да го смениме тоа. Среќна нова година“, напиша Роналдо на својот Твитер профил.
2020 was not an easy year, there’s no doubt about it. No one can be indifferent to the pain and suffering that COVID-19 brought upon the world.
But now it’s time to bounce back and show that, together, we can make a difference.
Happy New Year!🙏🏽❤️ pic.twitter.com/7n1i0ARjiK— Cristiano Ronaldo (@Cristiano) December 31, 2020
Лионел Меси реши новата година да ја честита со фотографија од него во дресот на Барселона и само кратко порача: „Среќна нова година. Се надевам дека 2021 година ќе биде подобра година“.
Happy New Year 🥳
Hopefully, 2021 will be a better year! pic.twitter.com/nScA6uqNoL
— Leo Messi 🔟 (@WeAreMessi) January 1, 2021
