Тренерот на Барселона, Ернесто Валверде го доби приматот за најдобар стратег во светот за 2019 година во изборот на статистиката на порталот Clubworldranking.com. Валверде стигна до 16.115 бодови и заврши далеку пред Јирген Клоп кој е второпласиран со 14.434 поени.
Математички е тешко да се објасни како е можно Валверде да заврши пред Клоп ако се гледаат успесите и резултатите на клубовите. Ливерпул во минатата сезона освои 97 бодови, што е 10 повеќе од Барселона. Точно е дека Ливерпул не стана првак на Англија, а Барселона го одбрани тронот во Шпанија, но затоа гигантот од „Енфилд роуд“ стана европски првак.
И во текот на оваа сезона, Ливерпул досега освои 49 од можните 51 бод, додека Барселона сезонава во Примера има освоено 36 бодови.
Трет на листата е тренерот на Ривер плејт, Марсело Гаљардо, кој освои 12.783 бодови.
