Британскиот медиум „Ивнинг стандард“ објави информација дека на Челзи во овој преоден рок менаџерите му ги понудиле двете големи фудбалски ѕвезди Нејмар и Кристијано Роналдо.
https://twitter.com/goal/status/1543944068341850114?s=20&t=19TbblXfqQboA0G_6uY-iw
Статусот на Бразилецот во Пари Сен Жермен е неизвесен откако беше објавено дека парижаните сакаат да направат реконструкција на тимот и да се ослободат од Нејмар, па можеби и од Меси.
Кај Роналдо исто така ситуацијата е интересна и тој побара трансфер од Манчестер јунајтед, но засега нема клуб што е заинтересиран да плаќа огромна годишна плата од 30 милиони евра за 37-годишен играч.
Популарниот ЦР7 јавно преку менаџерот Жорж Мендеш му се нудеше на Баерн Минхен, но тие експресно одговорија дека не се заинтересирани.
Сега во игра е Челзи, клуб што има нов сопственик, Тод Боели, кој одобрил 200 милиони фунти за летни засилувања, па веднаш реагираа менаџерите Пини Захави и Жорж Мендеш и ги понудија и Нејмар и Роналдо како евентуални нови засилувања на клубот од Лондон.
