По осум години поминати во дресот на Баерн Минхен, Роберт Левандовски летово реши да си замине и го облече дресот на Барселона. Ждрепката во Лигата на шампионите сакаше Левандовски многу брзо да се врати на „Алијанц арената“, но овојпат како противнички играч.
Навивачите на Баерн беа со различни емоции кога го пречекаа Левандовски. Кога Полјакот се појави на загревањето, најголемиот дел од фановите му аплаудираа и тој возврати на ист начин.
"There was absolutely no booing whatsoever…"@PSchmeichel1 says Bayern gave Robert Lewandowski a warm welcome back. 👏 pic.twitter.com/9VfmKBZUhA
— CBS Sports Golazo ⚽️ (@CBSSportsGolazo) September 13, 2022
Кога официјалниот спикер ги кажуваше имињата на сите фудбалери, кога се спомна името на Роберт Левандовски имаше и такви кои свиреа и негодуваа, но поголем дел од навивачите го поздравија својот неодамнешен миленик.
Vereinzelte Pfiffe, aber auch Applaus für Lewandowski. #BayernBarça @SPORT1 pic.twitter.com/GNx952MOMz
— Kerry Hau (@kerry_hau) September 13, 2022
Левандовски за Баерн одигра вкупно 375 меча, во кои постигна 344 погодоци.