Фудбалерите на Олимпијакос синоќа го освоија првиот европски трофеј откако во финалето во Лигата на конференции со 1:0 ја совладаа Фиорентина.
Грчкиот тим победи благодарение на голот на Ајуб Ел Каби во 116-тата минута, а на клупата на Олимпијакос беше Хозе Луис Мендлибијар, кој има интересна приказна за која може да се каже дека наликува на дејствијата од филмот „Денот на мрмотот“.
Во март минатата година 63-годишниот Мендилибар беше именуван за тренер на Севиља. Тој беше трет тренер на шпанскиот тим минатата сезона, а само два месеца подоцна, тој триумфира во Лигата на Европа откако во финалето беше подобар од Рома.
Мендилибар стана најстариот тренер кој триумфирал во Лигата на Европа и стана првиот тренер кој го победил Жозе Мурињо во европско финале. Оваа година се повтори идентично сценарио.
Мендилибар во февруари годинава беше именуван за тренер на Олимпијакос.
Повторно, тој беше трет тренер кој седна на клупата на грчкиот тим оваа сезона. Три месеци подоцна, со Олимпијакос победи во Лигата на конференции и стана најстар тренер кој победил во ова натпреварување.
◎ March 2023: Sevilla appoint José Luis Mendilibar, their third manager of the season
◉ May 2023: Sevilla beat Roma in the Europa League final; Mendilibar becomes the oldest manager to win the competition and the first manager to beat José Mourinho in a UEFA club tournament… pic.twitter.com/2NwVt2pWEN
— Squawka (@Squawka) May 29, 2024
