Хоакин Кореа е еден од најголемите малери во 2022 година и се повреди само на четири дена пред почетокот на Светското првенство и нема да игра за Аргентина во Катар.
Играчот на Интер е последниот што даде гол за Гаучосите пред стартот на Мундијалот откако погоди за 5:0 против Обединетите Арапски Емирати вчера, а потоа за него стигна исклучително лоша вест.
Поради повреда, ќе мора да си замине дома и нема да игра за еден од фаворитите на шампионатот.
Иако не е член на стартниот состав, 28-годишниот офанзивец на Аргентина е важна алка во ротацијата на двојниот светски првак и тоа ќе биде сериозен удар и за амбициите на Гаучосите да ја освојат третата светска круна.
На местото на Кореа дополнително ќе биде повикан нов фудбалер.
#SelecciónMayor El jugador Joaquín Correa también será desafectado de la convocatoria mundialista por lesión.
El reemplazante será informado en las próximas horas. pic.twitter.com/XCx98v66Xt
— 🇦🇷 Selección Argentina ⭐⭐⭐ (@Argentina) November 17, 2022
Аргентина е во Ц групата со Полска, Мексико и Саудиска Арабија.