Моментно четвртиот тенисер во светот, Доминик Тим на неславен начин го заврши годинашниов настап на Ролан Гарос. Тенисерот кој два пати играше во финалето на Грен слем турнирот во Париз, а два пати стигнуваше до полуфиналните пресметки, сега е елиминиран уште во првото коло.
Тим беше голем фаворит во дуелот со Шпанецот Пабло Андухар, но на крајот, по четири и пол часа борба, Австриецот беше елиминиран со 3:2 во сетови. Да биде изненадувањето уште поголемо, Тим ги доби првите два сета со 6:4 и 7:5, а кога се очекуваше да слави со 3:0 во сетови, се случи пресврт.
Two-time #FrenchOpen finalist Dominic Thiem squandered a two-set lead en route to a shocking first-round loss to Pablo Andujar https://t.co/DUZVTf9Xyx
— ESPN India (@ESPNIndia) May 30, 2021
Андухар го доби третиот сет со 6:3, а потоа во четвртиот и петиот Шпанецот беше подобар со идентични 6:4. Ова е неверојатно ако се знае дека Тим во четири од претходните пет настапи на Ролан Гарос губеше само од тенисерот кој подоцна стануваше и победник, три пати тоа беше Рафаел Надал, а еднаш Новак Ѓоковиќ.
За Андухар ова е прв пат во кариерата да победи во меч на кој губел со 2:0 во сетови, а и прв пат победува тенисер кој е во Топ 5 на АТП листата во светот.Шпанецот моментно е на 68 место на АТП листата.
Роџер Федерер утре го игра својот меч од првото коло, додека Рафаел Надал и Новак Ѓоковиќ на земјената подлога ќе се појават в вторник.
