Актуелниот освојувач на Златната топка и рекордер со седум вакви престижни индивидуални трофеи, Лионел Меси, го нема меѓу 30-те фудбалери кои оваа сезона ќе се борат за наградата на Франс Фудбал.
Аргентинецот имаше лоша сезона во Пари Сен Жермен и тоа е најголемата причина поради која Меси воопшто не е ниту меѓу30-те најдобри, а не па да се надева на одбрана на тронот. Освен Меси, на оваа листа го нема ниту Нејмар.
Lionel Messi fails to make the Ballon d’Or shortlist for the first time since 2005 😳 pic.twitter.com/7c4g5NoWGX
— GOAL (@goal) August 12, 2022
Меѓу најдобрите 30 според Франс Фудбал кој ќе се борат за Златната топка се: Тибо Куртоа, Рафаел Леао, Кристофер Нканку, Мохамед Салах, Џошуа Кимих, Трент Александар-Арнолд, Винисиус Јуниор, Бернардо Силва, Луис Дијаз, Роберт Левандовски, Ријад Марез, Касемиро, Сон, Фабињо, Карим Бензема, Мајк Мањан, Хари Кејн, Дарвин Нуњес, Фил Фоден, Садио Мане, Себастијан Халер, Лука Модриќ, Антонио Рудигер, Кристијано Роналдо, Кевин де Брујне, Душан Влаховиќ, Вирџил ван Дајк, Жоао Кансело, Килијан Мбапе и Ерлинг Халанд.
Од оваа година има измена и во правилата при номинирање за Златната топка. За разлика од досегашата пракса кога наградата се доделуваше за учинок во една календарска година, сега се гледа ефектот на фудбалерите во една фудбалска сезона.
