Специјализираната страница за фудбал „Софаскор“ повторно приреди вистински циркус со објава на идеалниот тим за четвртфиналето на Мундијалот во Катар.
Во него има место и за фудбалери што се елиминирани и нема да играат во полуфиналето, а изоставени се тие што заслужија да бидат во дрим-тимот со 10 играчи и голман.
Веднаш паѓа в очи дека во идеалните 11 ги има Бруно Фернандеш, Бакајо Сака и Вут Вегхортс, кои веќе се дома по поразите на Португалија, Англија и Холандија од Мароко, Франција и Аргентина.
Во нападот нема место за мароканскиот јунак Јусеф Ен-Несири, кој го даде победничкиот гол против Португалија за најголем успех на оваа земја и на африканскиот фудбал со прв пласман во полуфинале на СП. Го нема и Оливие Жиру стрелецот на клучниот гол за Франција во победата над Англија, потоа и Лука Модриќ од Хрватска и уште неколку фудбалери што беа победници во четвртфиналињата.
