Лучијано Спалети го претрпе првиот пораз како кормилар на Наполи откако вечерва, на „Диего Армандо Марадона“, Спартак Москва славеше со 3:2, а по мечот приреди потег што ќе ве насмее.
Тренерот на Наполи не знаеше кој е тренер на Спартак Москва, па си праша на клупата на својот тим да му го покажат колегата од спротивната страна.
Португалецот Руи Виторија го надмудри Спалети, но очигледно му е непознат на италијанскиот стратег.
Spalletti non conosceva l'allenatore dello Spartak HAHAHAHHAHAHAHAH#NapoliSpartak#EuropaLeague pic.twitter.com/cURgXhNEiQ
— Il Fratello di Zielu (@zielulife2) September 30, 2021
Спартак приреди подвиг и со пресврт славеше со 3:2 на меч на кој Елиф Елмас се запиша во историјата на италијанскиот фудбал. Македонскиот репрезентативец постигна гол во 11-тата секунда, најбрз за италијански тим во мечеви од Лигата на Европа.
Сепак, гостите ја искористија глупоста на Марио Руи, кој непотребно стартуваше прегрубо во 29-тата минута и беше исклучен, па со три гола во второто полувреме направија комплетен пресврт и победија со 3:2.
