Франција ќе игра против САД во финалето на кошаркарскиот турнир во Токио. Во неизвесен меч, Галските петли со 90:89 ја победија Словенија во полуфиналето на ЛОИ. Французите се единствени кои успеаја на овој турнир да ги победат Американците, па финалето ќе биде вистинска можност за дрим-тимот да се одмазди во најважниот меч. Словенија ќе игра за трето место против Австралија.
ДРАМА ВО ТЕКОТ НА ЦЕЛИОТ МЕЧ
Словенија одлично го започна мечот и во првата четвртина речиси константно имаше водство, кое во еден момент изнесуваше осум разлика (25:17). Во втората четвртина дури петпати беше нерешено, а ниту една од екипите немаше предност поголема од три разлика.
Третата четвртина беше клучна за Французите. Галските петли одиграа одлично и не само што го презедоа водството, туку во еден момент стигнаа и до двоцифрена предност (69:59). Словенците не се предадоа, со агресивна игра израмнија на 78:78 на пет минути до крајот, а потоа беше и 85:85 во пресрет на решавачките 100 секунди.
Франција со пет поени во низа стигна до 90:85, но потоа следуваа едно слободното фрлање и тројката на Препелиќ за 90:89 на 33 секунди до крајот. Французите го промашија својот последен напад, а Препелиќ тргна да положува за победа на Словенија, но Батум го изблокира неговиот шут и Франција победи.
Here is the block. Prepelic looked like he was going to grab the win for Slovenia but Batum came up huge
21 years after France and USA met in the Olympic final, they will do so again on Saturday. Fitting that @mrvincecarter15 is here on commshttps://t.co/Oytkbip5IU
— Paul Eddison (@pauleddison) August 5, 2021
Лука Дончиќ беше преднодник на Словенија со трипл-дабл со 16 поени, 10 скока и 18 асистенции. Де Коло со 25 поени и Фурние со 23 поени беа најефикасни кај Французите.
