Македонскиот ракометен првак Еурофарм Пелистер на неверојатен начин се спаси од пораз на дуелот со Спортинг Лисабон, и извлече реми од 24-24. За битолчани ова е прв бод сезонава и прекината е црната серија од 17 порази едноподруго.
Пелистерци водеа во голем дел од првото полувреме, имаа предност и во средина на вториот дел, а потоа дојде огромна криза и дури 12 минути без постигнат гол. Португалците кои изненадувачки славеа убедливо во првите три кола сезонава, имаа три гола предност на една и пол минута до крајот и се опуштија, а во финишот со серија од 3-0, Зелено-белите дојдоа до нерешен резултат.
Голот за 24-24 беше дело на Павле Атанасијевиќ на десетина секунди до крајот. Митревски со 9 одбрани, а Пешевски, Кузмановски и Радивојевиќ со по 5 гола беа најдобри кај Е. Пелистер.
