Вардар не успеа да го победи Порто во Скопје, а во драматичен финиш гостите постигнаа гол за израмнување на 25:25 во последната секунда од мечот.
Борко Ристовски блескаше со 18 одбрани на голот на Вардар, но на крајот имаше пех при последниот удар на гостите, топката да му се лизне и да влезе во голот за драматично реми во „Јане Сандански“.
Голманот на Вардар постигна и неверојатни 4 гола со удари од гол на гол, но Вардар не успеа да слави по вторпат против Порто на домашен терен.
Црвено-црните имаа предност од 13:12 по првиот дел во меч со многу пресврти, но Порто стаса до предност од 24:22 во финишот.
Тогаш повторно се разбрани Ристовски, а Вујин, Дибиров и Стоилов со голови го доведоа Вардар на прагот на нова победа. Сепак гостите имаа и среќа и со гол во последните моменти освоија еден бод.
https://twitter.com/ehfcl/status/1319369047067267074?s=20
