Легендата на Селта, Јаго Аспас со два гола успеа да го прекине долгиот пост на тимот од Виго на гостувањата кај Бетис и е најзаслужен за првата победа на „Бенито Вилјамарин“ по цели 8 години.
Гостувањата на Селта во Севилја кај Бетис долго беа кошмарни за тимот и последната победа им беше во 2013 година.
Вечерва конечно заврши една од најдолгите неуспешни серии, а Аспас со два гола за десетина минути во финишот на првото полувреме ѝ донесе победа на Селта од 2:0.
Покрај двата гола, Аспас ја покажа величината со прекрасниот гест кон Руи Силва во 36-тата минута.
Играчот на Бетис направи пенал, а Аспас дојде и го прегрна во знак на почит, откако неодамна таткото на Силва почина.
https://twitter.com/MajolaB/status/1477708807388250124?s=20
Во вториот меч што вечерва се играше во Ла Лига од 18.30 часот во баскиското дерби Алавес и Реал Сосиедад ремизираа 1:1.
Вечерва од 21 часот се игра и дуелот меѓу Мајорка и Барселона.
