Калин Ивановски не успеа да ја заокружи со трофеј одличната серија настапи на турнирот во Опатија, откако во финалето беше поразен од Хрватот Лука Микрут со 0-2 во сетови.
На турнирот, Калин одигра вкупно осум меча, три во квалификациите и пет на главниот турнир, остварувајќи седум победи. Сепак, на крајот немаше сили да го победи и првиот носител.
Микрут започна подобро и брзо поведе со 4-1 во гемови, освојувајќи го првиот сет со 6-3. Во вториот сет, Калин имаше водство од 3-0, но не успеа да го задржи и сетот заврши со тајбрејк. Во клучните моменти, Хрватот беше пофокусиран и го доби тајбрејкот со 7-4 на поени.
