Калин Ивановски ќе мора да игра квалификации за настап на јуниорскиот дел од гренслемот во Њујорк, на популарното Отворено првенство на САД.
Најдоброрангираниот македонски тенисер е само за пет места под листата со најдобрите 46 јуниори кои обезбедија директен настап на последниот гренслем во сезоната.
Калин е рангиран како 51-ви на листата со пријавени тенисери во јуниорска конкуренција и ќе мора да ја мине филтер-рундата за да игра на терените на „Флешинг Медоуз“.
Лани дебитираше на Отвореното првенство на САД во тенис во јуниорска конкуренција, но испадна веднаш во првото коло во квалификациите, и тоа како прв носител.
Сега би требало да е петти носител во квалификациите, ако до четврток некој не се откаже од тенисерите што се пред него на пријавената листа за учество.
