Калјари и Торино одиграа во калчо-стил, без голови во последниот меч од 13-тата рунда во Серија А. Гостите ја имаа иницијативата, се обидуваа да ја затресат мрежата на Крањо, но немаа прецизен удар.
Со ремито, домаќините ја прекинаа незгодната серија од четири порази по ред против Торино, а за првпат не примија гол од денешниот ривал по 9 натпревари во низа.
Двете екипи со ремито без голови останаа во долниот дел на табелата во најсилната италијанска лига. Торино е на 11-тата позиција со 18 бодови, а Калјари има три помалку и е за две места полошо пласиран.
