Играчот за врска на Шкендија, Камер Ќака, го дочека совршениот момент за да му се одмазди на романскиот првак и неговиот шеф Џиџи Бекали.
По изјавите на Бекали од типот „Шкендија е третокласен тим“ или „Им даваме четири гола на реваншот“, Ќака на „Инстаграм“ напиша само два збора: „Останете скромни“.
Косовецот беше играч на ФЦСБ во 2018 година, но остана само два месеца и одигра само пет натпревари.
Тој вечерва не беше во составот на Шкендија поради суспензија. На првиот меч во Скопје доби црвен картон.
