Тениската репрезентација на Канада за првпат во својата историја се пласира во финалето на Дејвис купот. Во полуфиналето, Канаѓаните беа подобри со Русија со 2-1.
Рублев го совлада Поспишил за предност на Русија, но Шаповалов изедначи на 1-1 откако го победи Хачанов. Во двојки, Шаповалов и Поспишил беа подобри од Хачанов и Рублев со 2-1 во сетови. Имаше тај-брејк во третиот сет, а канадскиот дубл го доби со 7-5.
Во другото полуфинале во Мадрид, Британците поведоа со 1-0, Едмунд го совлада Лопес, а сега Надал ќе се обиде да изедначи, доколку го совлада Еванс.
