Португалскиот интернационалец Жоао Кансело во 2019 година направи трансфер од Јувентус во Манчестер сити за 65 милиони евра. Брзо се избори за место во првиот тим на Пеп Гвардиола и беше незаменлив дел од него. Сепак, преку ноќ го снема од плановите на тренерот на Граѓаните, па беше испратен на позајмица најпрво во Баерн Минхен, а потоа и во Барселона, пред да му биде продаден на Ал-Хилал од Саудиска Арабија.
Кансело сега конечно проговори за причините поради кои си замина од Манчестер сити. Долго се шпекулираше дека проблемот е жестока кавга со Пеп Гвардиола.
„Имавме различни ставови, но тоа не беа расправии. Имам цврст карактер, исто како и Гвардиола, но тој е шефот и јас максимално го почитував тоа. Отидовме по различни патишта, но јас сум му благодарен на Бога што имав прилика да работам со него. Секогаш сум искрен, иако тоа не е баш најдобрата работа, но јас поинаку и не знам. Така ќе продолжам додека сум жив. Најдобрите моменти во мојата кариера беа во Манчестер сити. Одев на трензите и на натпреварите и уживав во тоа, но не сакав да останам, а и тие не сакаа јас да останам. Тоа е тоа“, рече Кансело.
