Лорен Кошчелни сериозно размислува да го напушти Арсенал по девет години. Искусниот дефанзивец доби понуда да се врати во Франција, Лион е тимот кој го мами Кошчелни со двегодишен договор. Доколку фудбалерот одлучи да се раздели со лондонскиот тим, Емери нема да му стои на патот бидејќи планот е да се „реновира“ одбранбената линија за новата сезона.
Французинот е член на Арсенал од 2010 година, по само две години откако пристигна на „Емирати“ ја доби довербата од тогашниот менаџер Арсен Венгер да биде капитен на Топчиите, а лентата ја наследи од Робин Ван Перси по неговата преселба во Манчестер јунајтед.
Кошчелни во девет сезони настапи на вкупно 353 натпревари во дресот на Арсенал, а како успех ги смета трите освоени трофеи во ФА купот, во 2014, 2015 и 2017 година.
