Капитенот на Ливерпул, Вирџил ван Дајк, им се извини на навивачите за лошото издание на тимот против Манчестер сити и поразот од 4:0.
„Навивачите беа таму да нè поддржат и можам само да се извинам за тоа што го видоа, особено во второто полувреме. Го разбирам нивното разочарување“, изјави Ван Дајк.
„Бевме во ваква ситуација многу пати оваа сезона, кога имавме надеж и не успеавме да изградиме нешто повеќе. Да загубиш со 0:4 е тешко. Се обидувам да мислам дека можеме да ги промениме работите, но тоа го правиме во поголем дел од сезоната. Ме боли тоа. Сега се фокусираме на гостувањето кај ПСЖ, но е тешко“, додаде холандскиот дефанзивец.
