Поранешниот капитен на македонската репрезентација, Стефан Ристовски, заедно со Аријан Адеми ја освоија двојната круна со Динамо Загреб и на најдобар начин ја завршија сезоната.
Ристовски, кој беше еден од најдобрите играчи на Динамо сезонава, на својот профил на „Инстаграм“ објави фотографија со освоените трофеи, а неговата објава ја подели и капитенот на Манчестер јунајтед, Бруно Фернандеш, кој е голем пријател со поранешниот македонски репрезентативец.
„Феномен“, напиша Бруно под објавата на Ристовски.
Бруно Фернандеш и Стефан Ристовски заедно играа во екипата на Спортинг Лисабон и оттогаш се големи пријатели.