Капитенот на кошаркарската репрезентација на Полска, Матеус Понитка, беше многу вознемирен во микс зоната по неочекуваниот пораз од Белгија (70:69). Полска беше голем фаворит, но загуби од аутсајдерот, а сепак остана на второто место во групата и ќе игра во осминафиналето на континеталниот собир, и тоа против Босна и Херцеговина.
„Ќе има дебата за овој меч затоа што не може вака да се игра. Тоа, пред сè, е недостаток на самопочитување. Тука беа дојдени 10.000 навивачи дојдени да ни дадат поддршка, а ние загубивме“, рече капитенот Понитка.
Понитка најави жесток разговор во соблекувалната, и тоа „лице в лице“ со соиграчите. „Што ќе им кажам на соиграчите? Тоа нека остане меѓу нас“, додаде капитенот на Полска.
Полска има четири победи во сите четири досегашни натпревари против Босна и Херцеговина.
