Артем Џуба, капитенот на фудбалската репрезентација на Русија, го одби повикот на селекторот Валери Карпин, а единствена причина за тоа е војната во Украина. Многу украински фудбалери го критикуваа Џуба затоа што речиси еден месец молчеше и не ги осуди нападите врз Украина, но 33-годишниот фудбалер со еден потег покажа кое е неговото мислење околу целата ситуација и дека не ја поддржува војната.
„Секогаш сум против војната. Војната е страшна. Истовремено сум против секоја агресија и омраза, која секој ден е сè поголема“, беше пораката од Џуба.
ФИФА ја исфрли Русија од баражот за пласман на Светското првенство во Катар, но и покрај таа суспензија од УЕФА и ФИФА, селекторот на Зборнаја, Карпин, најави собир на 21 март, а потоа ќе има и пријателски меч против руската селекција до 21 година.
„Ситуацијата во Украина е тешка. Артим има многу роднини таму, па ме замоли да го поштедам од доаѓање на овој собир“, објасни Карпин.
