Капитенот на фудбалската репрезентација на Шпанија, Алваро Мората, беше исвиркан на синоќешниот пријателски натпревар против Бразил на „Сантијаго Бернабеу“ од страна на домашните навивачи. Фудбалерот на Атлетико Мадрид во два наврати го носеше дресот на Реал Мадрид, еднаш направи трансфер во Јувентус, а вториот пат во Челзи, пред да се пресели во Атлетико.
Важи за еден од најомразените ликови за навивачите на Реал Мадрид, чие „масло“ веројатно беше и исвиркувањето синоќа.
„Душата ме боли кога во својата земја ќе го исвиркаат капитенот на репрезентацијата. Чувствувам болка. Навивачите на ‘Бернабеу’ беа неверојатни, но како Шпанец ми е срам кога му се свири на шпански репрезенаттивец. Сепак, поголемиот дел од навивачите ја поддржаа Шпанија. Мора да се едуцираме како се навива за репрезентацијата. Мора да се остават на страна боите на клубовите“, рече селекторот на Шпанија, Луис де ла Фуенте.
