Њукасл немаше пораз на осум домашни меча по ред, но на гости му дојде Евертон кој му одржа лекција и победи со 2-1. Тимот од Ливерпул играше добро, го контролираше мечот и покажа дека напредува со тренерот Карло Анчелоти.
Доминик Калверт Луин има пет гола во последните пет кола, а претходно пет гола даде на 28 настапи. Евертон пет кола едноподруго не знае за пораз, а со Анчелоти на клупата има две победи во два меча.
Астон Вила има добиено само едно од последните 28 гостувања во Премиерлигата, а лошиот биланс го продолжи и денеска. Тимот од Бирмингем беше совладан од Вотфорд со 0-3, и остана во зоната на испаѓање, со два бода плус пред Вотфорд кој се крева од дното и има седум бода во последните три кола. Вотфорд од април наваму немаше дадено три гола на еден меч.
Кристал Палас и Саутхемптон ремизираа 1-1.
