Прво откажување во македонската ракометна репрезентација пред Европското првенство во јануари. Пикерот Валентин Карасманакис нема да настапи на ЕП во Данска, Норвешка и Шведска поради скршен прст, повреда што ќе го спречи да игра најмалку еден месец. Со тоа, неговата шанса за настап на шампионатот е завршена.
На негово место, селекторот Кирил Лазаров повика искусниот Никола Маркоски.
Македонија утре патува за Пореч, каде ќе продолжи со подготовките и ќе одигра контролен натпревар против Хрватска. Во следниот период, предвидени се и пријателски средби против Бахреин, Украина, Швајцарија и уште еден противник.
На Европското првенство, Македонија ќе игра во групата во Хернинг, Данска, каде ќе се соочи со домаќинот, како и со Португалија и Романија.
