Голден Стејт вориорс благодарение на разиграниот Стеф Кари продолжува да гази сè пред себе, го совладаа и Денвер со 118-104, па сега трката за третото место на Западот е многу интересна и дури шест тима конкурираат за таа позиција.
Кари откако даде 52 поени против Мемфис, на Леброн и Лејкерс им даде 37, а сега против Јокиќ и другарите имаше 36. На овие последни три меча, Кари погоди вкупно 25 тројки. Српскиот центар за малку ќе направеше нов трипл-дабл, му фалеше една асистенција, и беше многу лут после третиот пораз по ред на Нагетс.
Трети на Западот е ЛА Лејкерс кој победи против Њу Орлеанс со 124-108. Публиката уживаше во мајсториите на триото Дончиќ-Џејмс-Ривс. Сите тројца имаа над 25 поени и над пет асистенции.
Причина за задоволство имаат и во Бостон селтикс, бидејќи поставија НБА рекорд по број на погодени тројки во една сезона, надминувајќи го Голден стејт од 2023. Со победата против Торонто, Детроит пистонс за првпат по 2019 година ќе игра плејоф.
Ова е цепелинот на Остин Ривс и Леброн Џејмс кој беше потег на вечерта:
THIS REAVES TO LEBRON ALLEY-OOP IN THE LAKERS W 😱 pic.twitter.com/y2V2ySE8NI
— NBA (@NBA) April 5, 2025
