Италијанскиот стратег Карло Анчелоти постави нов рекорд во Реал Мадрид, станувајќи тренерот со најмногу натпревари во европските натпреварувања за клубот.
Со триумфот од 2-3 против Манчестер сити во првиот плејоф-дуел од Лигата на шампионите, Анчелоти стигна до својата 72-ра европска средба на клупата на Кралевите, со што го надмина легендарниот Мигел Муњоз, кој го водеше тимот меѓу 1960 и 1974 година.
🤍👔👏 ¡@MrAncelotti, el entrenador del Real Madrid con más partidos (72) en la Copa de Europa! pic.twitter.com/vFgFkgOGlQ
— Real Madrid C.F. (@realmadrid) February 13, 2025
Анчелоти, кој е во својот втор мандат во Реал (2013-2015, 2021-), досега трипати ја освои Лигата на шампионите со клубот (2014, 2022, 2024). Тој е и рекордер во ова натпреварување со вкупно пет титули бидејќи двапати триумфираше и со Милан (2003, 2007).
Со Реал Мадрид е на добар пат кон осминафиналето оваа сезона, па 65-годишниот Анчелоти има шанса да ја зголеми својата колекција во елитниот европски фудбал.
