Легендарниот тренер Карло Анчелоти во летото минатата година си замина од Реал Мадрид, за да прифати нов предизвик, а тоа е да стане селектор на Бразил. Анчелоти успешно ги заврши квалификациите за пласман на СП 2026 и сега се подготвува за настап на Мундијалот со петкратниот светски првак.
Бразилскиот фудбалски сојуз веќе долго време се обидуваше да го доведе Анчелоти, па затоа уште сега е подготвен нов договор за италијанскиот стратег.
„Да, ќе го продолжам договорот со Бразил на уште четири години. Тоа е нова работа и навистина ми се допаѓа“, рече Анчелоти, кој треба да остане на чело на Бразил до јуни 2030 година.
🗣️ Carlo Ancelotti: “I think I’m going to renew four years with Brazil. It’s a new job, I really like it.” @MovistarPlus pic.twitter.com/itCKdZ0q7b
— Madrid Xtra (@MadridXtra) February 19, 2026
На планетарниот собир Бразил ќе биде во групата со Хрватска, Хаити и Шкотска, а секако дека Кариоките ќе бидат меѓу фаворитите за највисок пласман на Мундијалот.
