Шпанскиот Формула 1 возач, Карлос Саинс, од следната сезона нема да настапува за екипата на Ферари. Ваквата одлука доаѓа откако екипата од Италија за следната сезона го ангажираше британецот Луис Хамилтон, па беше јасно дека еден од возачите на Ферари ќе си замине.
29-годишниот Саинс следната сезона ќе вози за екипата на Вилијамс, што ќе биде неговата петта во Формула 1, откако освен за Ферари, претходно возеше и за Торо Росо, Рено и Мекларен. Шпанецот настапуваше за Ферари од 2021-вата година и забележа три победи, а имаше и 23 пласмани на подиумот. Саинс имаше понуди и од Заубер и Алпине, но сепак се одлучи кариерата да ја продолжи во Вилијамс.
Сега вече и официјално е познато дека возачи на Ферари следната сезона ќе бидат Чарлс Леклер и Луис Хамилтон.
