Легендарниот НБА-кошаркар Кармело Ентони има чудна теорија околу Никола Јокиќ и неговиот поранешен клуб Денвер нагетс. Ентони од 2003 до 2011 година играше за Денвер и го носеше дресот со број 15, кој сега му припаѓа токму на Јокиќ.
Поранешниот кошаркар смета дека тоа е направено за да го понижат од Денвер и да биде заборавен.
„Тоа беше начин да ми наштетат. Тие не му дозволија на Јокиќ да го избере својот број, туку му го дадоа бројот 15, кој ми припаѓаше мене. Покажаа големо непочитување и сакаа да ми удрат шлаканица на тој начин. Никогаш немам кажано ништо лошо за луѓето во Денвер или за Нагетс како клуб, а тие сакаат да ме избришат. Целта им е на целиот свет да му покажат дека не постојам. Тоа е намерно направено и не беше фер од нивна страна“, вели Кармело Ентони во поткастот „Седум попладне во Бруклин“.
https://twitter.com/7PMinBrooklyn/status/1745506560158392777?ref_src=twsrc%5Etfw%7Ctwcamp%5Etweetembed%7Ctwterm%5E1745506560158392777%7Ctwgr%5E8d1f2c3d7b78ea6c5a1dce7b1d5aa9427e1fc74a%7Ctwcon%5Es1_c10&ref_url=https%3A%2F%2Fwww.tvarenasport.com%2Fkosarka%2Fnba%2F18454%2Fkosark-nba-liga-karmelo-entoni-denver-jokicu-dao-broj-15-da-me-ponizi%2Fnews
Сепак, се чини дека легендарниот кошаркар не е во право бидејќи Никола Јокиќ и во белградската „Мега“, пред да дојде во НБА-лигата, настапуваше со бројот 15, а пред него во Денвер истиот број го носеше и Ентони Рендолф.
