Иако светските медиуми пренесоа дека доаѓањето на Чави во Барселона е готова работа, сепак, последните денови се покажа дека не е така.
Актуелниот тим којшто го води Чави, Ал-Сад, не сака лесно да се ослободи од својот тренер, кој бележи фантастични резултати во Катар, а воедно и ѝ испратија порака на Барселона.
„Доколку сакате да продолжат преговорите за Чави, а атмосферата да биде пријателска, тогаш го очекуваме претседателот Лапорта во Доха. Во спротивно ќе бидеме принудени да ги прекинеме сите преговори со Барселона“, се вели во соопштението на Ал-Сад.
Најверојатно овој тим ќе се ослободи од услугите на Чави без обесштетување, но посакуваат да добијат некои од талентите на Барселона, како и да се одиграат неколку пријателски натпревари на тлото на Катар.
