Според пишувањата на медиумите од Островот, летово се очекува да има интересен преоден рок во екипата на Манчестер сити. Еден од фудбалерите кој најверојатно ќе биде продаден е хрватскиот интернационалец Матео Ковачиќ, кој би требало да се пресели во Саудиска Арабија.
Граѓаните за овој трансфер треба да добијат околу 30 милиони евра, односно колку и што вложија во хрватскиот репрезентативец. Ваквиот трансфер за многумина е изненадување, но не е изненадување ако се знае дека на неговото место на „Етихад“ треба да пристигне една од најголемите ѕвезди на Баерн Минхен, Џошуа Кимих.
