Легендарниот Едисон Арантес до Насименто, познат како Пеле, едвај се движи. Пеле мора да користи помагала за да се движи, а бразилските медиуми пишуваат дека и здравјето на 80-годишниот Бразилец е влошено.
Синот на Пеле, Едињо, потврди дека легендарниот фудбалер тешко се движи и дека добар дел од времето го поминува во инвалидска количка. Едињо потврди дека и здравјето на неговиот татко е влошено и дека Пеле многу тешко спие.
„Татко ми многу тешко се движи. Не е најдобар со здравјето. Му недостасува сон, вистински одмор. Сепак, веруваме дека ќе победи и во овој меч“, рече синот на Пеле.
Само пред неколку месеци светскиот фудбал беше шокиран од смртта на 60-годишниот Диего Армандо Марадона. Аргентинецот почина само две недели по операцијата на главата, а причина за смртта беше срцев удар. Пеле и Марадона се фудбалерите кои беа прогласени за најдобри во историјата на минатиот век.