Во шпанската престолнина ќе одекне експлозија која ќе го стресе Стариот Континент. Реал Мадрид подготвува рекордна понуда за Килијан Мбапе од неверојатни 400 милиони евра. Флорентино Перес ќе оди „ол-ин“ за француската супер ѕвезда во обидот да го засили тимот на Зинедин Зидан.
Шампионските амбиции дефинитивно ќе се зголемат со доведувањето на експлозивниот голгетер на Триколорите и ПСЖ. Мбапе несомнено има квалитет и способност да биде „новиот“ Кристијано Роналдо за 13-кратниот европски првак. Со трансфер-планот, кој е најавен за летото 2020 година, Реал и Мбапе ќе го урнат рекордот на Нејмар од 222 милиони кога се пресели во редовите на ПСЖ.
Мбапе моментално има договор со Светците до 2022 година и е втор најплатен играч во тимот по Нејмар, додека управата на клубот се обидува да го врзе со нова соработка на подолг период.
