Барселона вчера наместо да избие на првото место на табелата, претрпе шокатен пораз на домашен терен со 1-2 против Гранада, иако тимот на Роналд Куман водеше минимално со голот на Меси во првото полувреме.
Пораз со „кец во два“ на „Камп ноу“ не е виден од мај 2008 година, кога Каталонците предводени од Френк Рајкард загубија со 2-3 од Мајорка во претпоследното колоод сезоната 2007/08, по кое ја препуштија титулата на Реал Мадрид. Барса водеше на полувремето со голот на Анри, во 57-та минута на 2-0 зголеми Ето, но до крајот Мајорка головите на Валеро, Вебо и Гиза во 90+3 минута оствари неверојатен триумф, а Каталонците на крајот завршија на третото место.
1 – Last night vs Granada, Barcelona suffered a LaLiga defeat at the Camp Nou despite leading at half-time for the first time since May 2008, when under Frank Rijkaard, they lost 2-3 to Mallorca – a season in which @realmadriden won the league and Barca finished third. Troubling. pic.twitter.com/cTzH3KUvAD
— OptaJose (@OptaJose) April 30, 2021
Во последните пет кола од шампионатот во Шпанија, битката за титулата не може да биде понеизвесна. Атлетико остана лидер со 73 бода, Реал и Барса имаат по 71, а со еден бод помалку ги следи четвртопласираната Севилја.
До 23 мај, за кога е закажано последното 38 коло во Ла Лига, ќе се знае дали историјата ќе се повтори во корист на Кралевите, а против Барселона.
