Тотенхем ќе има тешка задача во реваншот против Лајпциг во осминафиналето од ЛШ бијдеќи актуелниот европски вицепрвак го загуби првиот дуел со минимални 0-1, и тоа на домашен терен. Во ваква ситуација, многу работа го чека и Жозе Мурињо.
Ова е четврти пораз за Мурињо во меч од нокаут-фазата во кој негов тим прв ја имал улогата на домаќин. Во претходните три наврати, Мурињо само еднаш успеал да анулира дефицит од првата средба и да обезбеди пласман понатаму, тоа го стори со Порто против Панатинаикос.
Пораз на домашен терен во првиот меч и елиминација Мурињо претрпе како предводник на Челзи во сезоната 2005/06 од Барселона, додека тоа му се случи и како тренер на Реал Мадрид во полуфиналето од сезоната 2010/11, исто така против Барселона.
Дали ќе се спаси од дежа ви или пак ќе заврши авантурата за неговиот Тотенхем уште во првата нокаут-рунда, ќе се знае по реваншот кој е закажан за 10 март.
