Баерн Минхен сезонава едноставо ги меле противниците, без разлика дали е тоа во домашното првенство или во Лига на шампиони. Синоќа, во меч од Лига на шампиони, германскиот гигант убедливо со 4:0 славеше над Бриж.
Еден од четирите голови го постигна Хари Кејн со што напаѓачот ја продолжи фантастичната серија што ја има сезонава. За Кејн ова беше 20-ти погодок во сите натпреварувања за Баерн и тоа во само 12 одиграни натпревари. Како што открива специјализираната статистичка станица „Опта“, Кејн со ова темпо ги надмина Кристијано Роналдо и Лионел Меси.
Двајцата фудбалери кои ги одбележаа изминативе две децении во светскиот фудбал, немале побрзо темпо на постигнување на 20 голови во една сезона, како што тоа сега го направи Кејн. Според „Опта“, Меси во три сезони успеал да стигне до 20 погодоци во 17 одиграни натпревари, додека Кристијано Роналдо во сезоната 2014/15 постигна 20 голови во првите 13 натпревари.
20 – Harry Kane has scored 20 goals in 12 games for Bayern Munich in all competitions in 2025-26. This is faster to 20 than Lionel Messi or Cristiano Ronaldo have ever managed from the start of a season in their club careers (Messi 17 apps x3, Ronaldo 13 in 2014-15). Incredible. pic.twitter.com/7GBnwbk5Hj
— OptaJoe (@OptaJoe) October 22, 2025
