Хари Кејн доби дозвола да си замине од Тотенхем, но условот на Даниел Леви е да се урне светскиот рекорд што го држи Нејмар.
Сопственикот на Тотенхем истакна дека за 26-годишниот репрезентативец на Англија треба да се платат 227 милиони евра отштета за да може да се реализира трансферот.
Заинтересирани се, пред се, Манчестер јунајтед, потоа и Реал Мадрид, но прашање е дали во услови на голема криза и епидемија на Коронавирусот ќе сакаат да платат рекордна сума на пари.
Засега најскап трансфер има Нејмар, за кого Пари Сен Жермен ѝ плати на Барселона 222 милиони евра во 2017 година.
Кејн моментно е повреден, а е стандарден репрезентативец на Англија и еден од најдобрите светски напаѓачи. Неодамна самиот изјави дека ќе си замине од Тотенхем ако тимот не се засили и не биде конкурентен да им парира на најдобрите англиски и европски клубови.
