Капитенот на Тотенхем, Хари Кејн, конечно донел одлука да се согласи на трансфер во Баерн Минхен, со кого ќе потпише четиригодишен договор, објави новинарот на „Атлетик“, Дејвид Орнштајн.
🚨 Harry Kane has reached an agreement to join Bayern Munich from Tottenham Hotspur. Personal terms in place for 30yo to sign a 4yr contract. England captain awaiting green light from #THFC to travel for medical + complete transfer @TheAthleticFC #FCBayern https://t.co/LPAkVUiF9E
— David Ornstein (@David_Ornstein) August 10, 2023
Според новинарот, Кејн сега чека зелено светло од Тотенхем да отпатува во Минхен на лекарски прегледи, по што и официјално ќе го потпише договор со Баерн Минхен, кој ќе му носи 29 милиони евра по сезона.
Во текот на вчерашниот ден, англиските медиуми објавија дека претседателот на Тотенхем, Даниел Леви, ја прифатил последната четврта понуда на Баерн Минхен од рекордни 100 милиони фунти отштета, но Кејн се двоумел бидејќи бил задоволен од работата на новиот менаџер Ангеу Постекоглу. Сепак, на крајот одлучил да ја прифати понудата и во наредните четири години да го носи дресот на Баерн Минхен.
Претходната рекордна сума која германскиот шампион ја платил за ангажирање на фудбалер изнесува 80 милиони евра, кои му ги плати на Атлетико Мадрид за францускиот репрезентативец Лукас Ернандес.
