Хари Кејн со трансферот во Баерн Минхен го сруши рекордот за најскап фудбалер кој дошол во Баварија, но и рекордот на Бундеслигата. Иако е само два дена член на Баварците, рекордерот по бројот на голови за Тотенхем и англиската репрезентација сруши уште еден несекојдневен рекорд.
Баерн Минхен се пофали дека продале повеќе од 10.000 дресови со бројот и презимето на Кејн. Ако се знае дека цената за детските дресови е 75 евра, а на оние за возрасни 138 евра, тогаш заработката на Баерн Минхен само од продажбата на дресовите за еден ден е помеѓу еден и два милиони евра.
Хари Кејн во саботата се пресели од Тотенхем во Баерн Минхен за 100 милиони евра, плус 10 милиони евра во дополнителни бонуси.
